“Manchester Yunayted” safida Angliya chempionatida to‘p tepayotgan hujumkor yarim himoyachi Jeydon Sancho Saudiya klublaridan biridan katta taklif oldi. Bu haqda ijtimoiy tarmoqlarda insayder Nikolo Skira xabar berdi.
Biroq futbolchining o‘zi bu taklifga qanday javob qaytargani hozircha ma’lum emas. Eslatib o‘tamiz, Jeydon “qizil iblislar” bosh murabbiyi Erik ten Xag bilan ziddiyatga ega. Sanchoning yanvar oyida MYUni tark etish ehtimoli yuqori.
Qanot vingerining “Manchester Yunayted” bilan amaldagi shartnomasi 2026 yilning yozida yakuniga yetadi. Premyer-liganing joriy mavsumida Sancho atigi uchta uchrashuvda qatnashdi.