“Манчестер Юнайтед” сафида Англия чемпионатида тўп тепаётган ҳужумкор ярим ҳимоячи Жейдон Санчо Саудия клубларидан биридан катта таклиф олди. Бу ҳақда ижтимоий тармоқларда инсайдер Николо Скира хабар берди.
Бироқ футболчининг ўзи бу таклифга қандай жавоб қайтаргани ҳозирча маълум эмас. Эслатиб ўтамиз, Жейдон “қизил иблислар” бош мураббийи Эрик тен Хаг билан зиддиятга эга. Санчонинг январь ойида МЮни тарк этиш эҳтимоли юқори.
Қанот вингерининг “Манчестер Юнайтед” билан амалдаги шартномаси 2026 йилнинг ёзида якунига етади. Премьер-лиганинг жорий мавсумида Санчо атиги учта учрашувда қатнашди.