O‘zbekiston 2023 yili U-20 va U-17 Jahon chempionatlarining har ikkalasida nimchorak finalga chiqqan Osiyodagi yagona davlat.

Bu natijani qayd etgan davlatlar soni bor-yo‘g‘i 6 tani tashkil etadi:

1. Braziliya;
2. Argentina;
3. Angliya;
4. Ekvador;
5. AQSH;
6. O‘zbekiston.

Yurtimiz iqtidorlarga boy ekanligiga hech qanday shubha yo‘q, ammo quyidagi faktorlar yoshlarimizni kattalar futbolida ham jahon darajasida o‘ynab ketishiga to‘sqinlik qiladi:

1. Mentalitet — ozroq pul va obro‘ qozongan yoshlarimizning aksariyati futboldan tez "to‘yib qoladi";

2. Noprofessionallik — noto‘g‘ri va yog‘li ovqatlanish (osh), rejimning yo‘qligi va jismoniy holat ustida ishlamaslik;

3. Komfort zonasi — oilasi va do‘stlari davrasida yurish uchun chetga ketishmaydi. Ketgan taqdirda ham uydagi muhitni sog‘inib, tez qaytib kelishadi. Afsuski, milliy chempionatimizdagi temp — futbolchilarimizning o‘sishi uchun yetarli emas.