Ўзбекистон 2023 йили U-20 ва U-17 Жаҳон чемпионатларининг ҳар иккаласида нимчорак финалга чиққан Осиёдаги ягона давлат.

Бу натижани қайд этган давлатлар сони бор-йўғи 6 тани ташкил этади:

1. Бразилия;
2. Аргентина;
3. Англия;
4. Эквадор;
5. АҚШ;
6. Ўзбекистон.

Юртимиз иқтидорларга бой эканлигига ҳеч қандай шубҳа йўқ, аммо қуйидаги факторлар ёшларимизни катталар футболида ҳам жаҳон даражасида ўйнаб кетишига тўсқинлик қилади:

1. Менталитет — озроқ пул ва обрў қозонган ёшларимизнинг аксарияти футболдан тез "тўйиб қолади";

2. Нопрофессионаллик — нотўғри ва ёғли овқатланиш (ош), режимнинг йўқлиги ва жисмоний ҳолат устида ишламаслик;

3. Комфорт зонаси — оиласи ва дўстлари даврасида юриш учун четга кетишмайди. Кетган тақдирда ҳам уйдаги муҳитни соғиниб, тез қайтиб келишади. Афсуски, миллий чемпионатимиздаги темп — футболчиларимизнинг ўсиши учун етарли эмас.