Yanvar oyidagi transfer oynasida "Barselona" o‘z tarbiyalanuvchisi, hozirda "Liverpul"da o‘ynayotgan Tyago Alkantarani jamoaga taklif qilishi mumkin.
Jurnalist Jordi Xilning ma’lumotlariga ko‘ra, "ko‘k-anorranglilar" "Liverpul" bilan shartnomasi joriy mavsum oxirida yakuniga yetadigan ispaniyalik yarim himoyachiga qiziqish bildirmoqda.
"Liverpul" hozirda Alkantarani saqlab qolish uchun hech qanday harakat qilmayapti. "Mersisaydliklar" yozda tekinga yo‘qotmaslik va hech bo‘lmaganda pul olish uchun yarim himoyachini yanvarda sotishi mumkin.
Alkantara joriy mavsumda Angliya Premyer-ligasida birorta ham o‘yin o‘tkazmadi.
