Endi Koul "Manchester Yunayted" safida 16 o‘yinda 1 ta gol urgan Markus Reshford haqida gapirdi.

- Markus Reshfordning joriy mavsumdagi formasi sizni qay darajada tashvishlantirmoqda? Sizningcha, hozir nima noto‘g‘ri ketmoqda? U formaga kirishi uchun nima qilishi kerak?

- Bilmayman. Men haqiqatan ham bilmayman. O‘tgan mavsumda u fenomenal formada edi va undan oldingi mavsumda u hozirgidek o‘yin ko‘rsatgan. Lionel Messi va Krishtianu Ronaldu kabi futbolchilar bir mavsum ham to‘xtamadi. Taxminan 20 yil eng yuqori darajada o‘ynashdi. Elita darajasida shunday o‘ynash kerak.

Uning boshida nimalar bo‘layotganini faqat Markus biladi. Oxirgi 4-5 yil ichida uning formasi bir xil emas va u avvalgi darajasiga qaytishga qodirmi yoki yo‘qmi, bilmayman. U har haftada maydonga tushadi, buni har bir futbolchi xohlaydi.

Agar 16 ta o‘yinda 1 ta gol urganimda, men yana asoslarga qaytgan bo‘lardim va qanday mashq qilishim, qanday zarba berishim va hokazolar haqida o‘ylardim. Men formaga tushish uchun qo‘limdan kelgan barcha ishni qilgan bo‘lardim" - dedi "Manchester Yunayted"ning sobiq hujumchisi.