Энди Коул "Манчестер Юнайтед" сафида 16 ўйинда 1 та гол урган Маркус Рэшфорд ҳақида гапирди.

- Маркус Рэшфорднинг жорий мавсумдаги формаси сизни қай даражада ташвишлантирмоқда? Сизнингча, ҳозир нима нотўғри кетмоқда? У формага кириши учун нима қилиши керак?

- Билмайман. Мен ҳақиқатан ҳам билмайман. Ўтган мавсумда у феноменал формада эди ва ундан олдинги мавсумда у ҳозиргидек ўйин кўрсатган. Лионель Месси ва Криштиану Роналду каби футболчилар бир мавсум ҳам тўхтамади. Тахминан 20 йил энг юқори даражада ўйнашди. Элита даражасида шундай ўйнаш керак.

Унинг бошида нималар бўлаётганини фақат Маркус билади. Охирги 4-5 йил ичида унинг формаси бир хил эмас ва у аввалги даражасига қайтишга қодирми ёки йўқми, билмайман. У ҳар ҳафтада майдонга тушади, буни ҳар бир футболчи хоҳлайди.

Агар 16 та ўйинда 1 та гол урганимда, мен яна асосларга қайтган бўлардим ва қандай машқ қилишим, қандай зарба беришим ва ҳоказолар ҳақида ўйлардим. Мен формага тушиш учун қўлимдан келган барча ишни қилган бўлардим" - деди "Манчестер Юнайтед"нинг собиқ ҳужумчиси.