Gavi o‘tgan hafta oxirida tizzasidan jiddiy jarohat oldi va mavsumning qolgan qismida maydonga tusha olmaydi. Matbuotda "Barselona" qishki transfer oynasida yangi yarim himoyachi qidiradimi yoki yo‘qmi, degan ma’lumotlar turlicha. Mundo Deportivo xabariga ko‘ra, Fabian Ruis va Karlos Soler kataloniyaliklarning ehtimoliy nomzodlar qatorida bor. Har ikki futbolchi endi "PSJ" sharafini himoya qiladi.
27 yoshli Ruisni Transfermarkt portali mutaxassislari 30 million yevroga, 26 yoshli Solerni esa 20 million yevroga baholamoqda.
"Barselona" ayni damda Ispaniya chempionati turnir jadvalida 3-o‘rinni egallab turibdi.
