"Atletiko Madrid"dan "Barselona"ga ijaraga berilgan hujumchi Joau Feliksning kelajagi sirligicha qolmoqda.
Portugaliyalik futbolchi "blaugrana" safida o‘tkazgan so‘nggi 11 o‘yinda birorta ham gol ura olmadi va "Atletiko Madrid" futbolchining formasi haqida qayg‘urmoqda, deb xabar beradi Marca. “Matraschilar” kelasi yozda Feliksni sotishdan taxminan 70-80 million yevro ishlab olishni istashmoqda, ammo forvard yana ajoyib o‘yin ko‘rsata boshlamasa, buni amalga oshirish juda qiyin bo‘ladi. Agar keskin o‘zgarishlar bo‘lmasa, madridliklar mavsum oxirida qayta ijaraga berishga rozi bo‘lishi mumkin.
Joau Feliks “Barselona” safida 14 ta o‘yinda jami 3 ta gol urdi va 3 ta golli uzatmani amalga oshirdi.
