"Атлетико Мадрид"дан "Барселона"га ижарага берилган ҳужумчи Жоау Феликснинг келажаги сирлигича қолмоқда.
Португалиялик футболчи "блауграна" сафида ўтказган сўнгги 11 ўйинда бирорта ҳам гол ура олмади ва "Атлетико Мадрид" футболчининг формаси ҳақида қайғурмоқда, деб хабар беради Marca. “Матрасчилар” келаси ёзда Феликсни сотишдан тахминан 70-80 миллион евро ишлаб олишни исташмоқда, аммо форвард яна ажойиб ўйин кўрсата бошламаса, буни амалга ошириш жуда қийин бўлади. Агар кескин ўзгаришлар бўлмаса, мадридликлар мавсум охирида қайта ижарага беришга рози бўлиши мумкин.
Жоау Феликс “Барселона” сафида 14 та ўйинда жами 3 та гол урди ва 3 та голли узатмани амалга оширди.
