Romelu Lukakuning otasi Rojer Lukaku o‘g‘lining faoliyati haqida gapirdi.
O‘tgan yozda "Chelsi" forvardi Saudiya Arabistonidan foydali takliflar oldi, ammo Yevropada qolishga qaror qildi. 30 yoshli belgiyalik futbolchi "Roma"ga ijaraga o‘tdi va u butun mavsumni shu yerda o‘tkazmoqchi.
“Romelu “Roma”ga o‘tish orqali o‘z tanlovini qildi, lekin men uning o‘rnida bo‘lganimda Saudiya Arabistoniga ketgan bo‘lardim. U “Al-Hilol”da qancha maosh olishi mumkin edi? Yiliga 45 million yevro? Romelu 30 yoshda va ikki farzandi bor. Bir nuqtada siz o‘zingiz va oilangiz haqida o‘ylashingiz kerak. Lekin u faoliyatini Yevropada davom ettirishga qaror qildi", - dedi Romeluning otasi.













