Daniya terma jamoasi va Londonning “Tottenxem” klubi yarim himoyachisi Pyer-Emil Xyoybyerg faoliyatini Ispaniya chempionatida davom ettirish imkoniyatiga ega, bu haqda Todofichajes nashri xabar bermoqda.
Manba bergan xabarga ko‘ra, 28 yoshli yarim himoyachiga Madridning "Atletiko" klubi qiziqish bildirmoqda. “Matraschilar” daniyalik futbolchini Turinning “Yuventus” klubiga o‘tishga yaqin turgan argentinalik Rodrigo de Paulga o‘rinbosar sifatida ko‘rmoqda. Agar janubiy amerikalik futbolchi jamoani tark etsa, «Atletiko» yanvar oyida Xyoybyergni sotib olishga harakat qiladi.
Daniyalikning futbolchining transfer narxi 32 million yevroga baholanmoqda. Uning "shporlar" bilan tuzilgan shartnomasi 2025 yilning iyun oyi oxirigacha amal qiladi.
