Дания терма жамоаси ва Лондоннинг “Тоттенхэм” клуби ярим ҳимоячиси Пьер-Эмиль Хёйбьерг фаолиятини Испания чемпионатида давом эттириш имкониятига эга, бу ҳақда Todofichajes нашри хабар бермоқда.
Манба берган хабарга кўра, 28 ёшли ярим ҳимоячига Мадриднинг "Атлетико" клуби қизиқиш билдирмоқда. “Матрасчилар” даниялик футболчини Туриннинг “Ювентус” клубига ўтишга яқин турган аргентиналик Родриго де Паулга ўринбосар сифатида кўрмоқда. Агар жанубий америкалик футболчи жамоани тарк этса, «Атлетико» январь ойида Хёйбьергни сотиб олишга ҳаракат қилади.
Данияликнинг футболчининг трансфер нархи 32 миллион еврога баҳоланмоқда. Унинг "шпорлар" билан тузилган шартномаси 2025 йилнинг июнь ойи охиригача амал қилади.
