O‘zbekiston Superligasining 25-turidan o‘rin olgan o‘yinlar 22 noyabr, chorshanba kuni bo‘lib o‘tdi.

“Turon” o‘z maydonida “Andijon”ga qarshi bahs olib bordi. 18-daqiqada Sardor Azimov andijonliklarni hisobda oldinga olib chiqdi. 32-daqiqada Xurshid Muxtorov penaltidan unumli foydalanib, hisobni tenglashtirdi. O‘yinning 40-daqiqasida Ildar Mamatkazin “Andijon”ning ikkinchi goliga mualliflik qildi. O‘yin yakunida Sardor Abdunabiyev gol urib, “Andijon”ning 3:1 hisobida g‘alabasini ta’minladi. Qayd etib o‘tish joiz, “Turon” futbolchi Asilbek Aysarov qizil kartochka olib, maydonni tark etgandi va jamoa o‘yinning qolgan vaqtini bir kishi kam bo‘lib o‘tkazdi.

Natijada "Turon" Superliga bilan xayrlashdi va Pro ligaga tushib ketdi. "Andijon" esa o‘z ochkolarini 37 taga yetkazib, jadvalda 6-o‘rindagi "Surxon" bilan tenglashib oldi.

Superliga, 25-tur
“Turon” – “Andijon” 1:3
Gollar: 0:1 — 18 Sardor Azimov, 1:1 — 32 Xurshid Muxtorov (penalti), 1:2 — 40 Ildar Mamatkazin, 1:3 — 90+5 Sardor Abdunabiyev.
“Turon”: 35. Rahimjon Davronov, 2. Abdulazizxon Abdurashidov (34. O‘ral Choriyev, 90), 3. Akbar Abdirasulov, 5. Marlen Chobanov, 9. Rustamxon Azimov (8. Farruxjon Qodirov, 84), 14. Xurshidbek Muxtorov, 15. Aziz Xolmurodov (21. Azamjon Aliyev, 46), 18. Abdug‘ani Kamolov (40. Abega Enyang Ngu, 73), 19. Ravshan Xayrullayev (30. Miraziz Muhammadaliyev, 46), 45. Asadbek Saitxonov, 55. Asilbek Aysarov.
“Andijon”: 1. Eldor Adhamov, 4. Dilshojon Komilov, 5. Abdulvohid G‘ulomov, 8. Farxodbek Bekmuratov (11. Sardor Abdunabiyev, 78), 9. Levan Arveladze , 13. Sardorbek Azimov, 14. Abduraxmon Komilov, 21. Ildar Mamatkazin, 25. Muhammadkarim Toirov (10. Ilhomjon Abdig‘aniyev, 71), 94. Armin Boshnyak (19. Suhrob Berdiyev, 78), 99. Ruben Hebay (22. Shahboz Erkinov, 90+3).
Ogohlantirishlar: Marlen Chobanov (69), Levan Arveladze (72), Dilshod Komilov (80), Ilhomjon Abdig‘aniyev (85), O‘ral Choriyev (90).
Chetlatish: Asilbek Aysarov (37).