Superliga 25-turidan o‘rin olgan "Turon" – "Andijon" (1:3) uchrashuvdan so‘ng mezbonlar bosh murabbiyi Yorqin Nazarov o‘z fikrlarini bildirib o‘tdi.
“Bugungi o‘yin bo‘yicha futbolchilarga e’tirozim yo‘q. Qizilqum bilan bahsga qadar kurashni davom ettirmoqchi edik. Afsuski, o‘xshamadi.
Murtozayevda jarohat bor. O‘tgan tur asosiy tarkibda maydonga tushgan bo‘lsa ham, jarohati kurashlarda to‘liq kuch bilan ishtirok etishiga imkon bermagan edi. Shu sababli bugun hujumda asosan yoshlarga imkoniyat berdik.
Kelgusi rejalarni mavsum yakunlanganidan so‘ng rahbariyat bilan uchrashuvda muhokama qilamiz. Hozir bu borada bir narsa deya olmayman”, – dedi Nazarov.
