"Manchester Yunayted" yarim himoyachisi Kazemiro o‘z rejalarini qayta ko‘rib chiqishi mumkin.
Avvalroq braziliyalik futbolchi "qizil iblislar"ni tark etish niyatida emasligi va faoliyatini Saudiya Arabistonida davom ettirishdan manfaatdor emasligi haqida xabar berilgandi. Jurnalist Xorxe Pikonning yangi ma’lumotlariga ko‘ra, vaziyat o‘zgarishi mumkin: Kazemiro Saudiya klublaridan biriga o‘tish haqida allaqachon o‘ylay boshlagan. 31 yoshli yarim himoyachi "Manchester Yunayted"ni tark etishga tayyor, ammo buning uchun eng yaxshi vaqt qachon kelishini hozircha bilmaydi. Futbolchi mavsum oxirida Angliyani tark etishi mumkin.
Kazemiro joriy mavsumda Erik ten Xag jamoasi safida 12 ta o‘yinda maydonga tushib, 4 ta gol urdi va 1 ta golli uzatmani amalga oshirdi. Transfermarkt ekspertlari futbolchini 40 million yevroga baholamoqda.













