Janubiy Amerika Futbol Konfederasiyasi (KONMEBOL) JCH-2026 saralash bosqichidan o‘rin olgan Braziliya - Argentina (0:1) uchrashuvida muxlislarning ommaviy mushtlashuvi munosabati bilan o‘z rasmiy saytida bayonot e’lon qildi.
"Janubiy Amerikada futbol bo‘yicha 2026 yilgi Jahon chempionati saralash bosqichi o‘yinlari vaqtida yuz bergan voqealar tufayli va jamoatchilik fikrini ma’lumot bilan ta’minlash uchun quyidagi tushuntirishlar zarur.
KONMEBOL zo‘ravonlikning barcha shakllarini qoralaydi va har doim zo‘ravonlik, irqchilik, ksenofobiya va kamsitishni yo‘q qilishga qaratilgan harakatlar bilan hamkorlik qiladi.
Shu ma’noda Janubiy Amerika Konfederasiyasi Janubiy Amerika va jahon futboliga ta’sir etayotgan ushbu illatni yo‘q qilish bo‘yicha tizimli ish olib bormoqda va sportdagi murosasizlik va zo‘ravonlikka barham berishga qaratilgan har qanday tashabbusda hamkorlikni davom ettirishga tayyor.
KONMEBOL Jahon chempionati saralash o‘yinlari tashkilotchisi emas. Saralash o‘yinlarini tartibga soluvchi qoidalarni ishlab chiqish, shuningdek, tergov boshlash va har qanday jazo choralarini qo‘llash to‘g‘risida qaror qabul qilish FIFAning mutlaq vakolatlari hisoblanadi", — deyiladi xabarda.
