Жанубий Америка Футбол Конфедерацияси (КОНМЕБОЛ) ЖЧ-2026 саралаш босқичидан ўрин олган Бразилия - Аргентина (0:1) учрашувида мухлисларнинг оммавий муштлашуви муносабати билан ўз расмий сайтида баёнот эълон қилди.
"Жанубий Америкада футбол бўйича 2026 йилги Жаҳон чемпионати саралаш босқичи ўйинлари вақтида юз берган воқеалар туфайли ва жамоатчилик фикрини маълумот билан таъминлаш учун қуйидаги тушунтиришлар зарур.
КОНМЕБОЛ зўравонликнинг барча шаклларини қоралайди ва ҳар доим зўравонлик, ирқчилик, ксенофобия ва камситишни йўқ қилишга қаратилган ҳаракатлар билан ҳамкорлик қилади.
Шу маънода Жанубий Америка Конфедерацияси Жанубий Америка ва жаҳон футболига таъсир этаётган ушбу иллатни йўқ қилиш бўйича тизимли иш олиб бормоқда ва спортдаги муросасизлик ва зўравонликка барҳам беришга қаратилган ҳар қандай ташаббусда ҳамкорликни давом эттиришга тайёр.
КОНМЕБОЛ Жаҳон чемпионати саралаш ўйинлари ташкилотчиси эмас. Саралаш ўйинларини тартибга солувчи қоидаларни ишлаб чиқиш, шунингдек, тергов бошлаш ва ҳар қандай жазо чораларини қўллаш тўғрисида қарор қабул қилиш ФИФАнинг мутлақ ваколатлари ҳисобланади", — дейилади хабарда.
