"Everton" direktori Kevin Telvell moliyaviy feyr-pley qoidalarini buzgani uchun Premyer-liganing klubdan 10 ochko olib tashlash qaroriga izoh berdi.
Ushbu jazodan so‘ng "Everton" 4 ochko bilan turnir jadvalining so‘nggi pog‘onasidan joy oldi.
"Biz bu sanksiyalardan keyin yanada birlashganmiz. Biz bor e’tiborimizni jiddiy ishga qaratganmiz va jamoani maydonda eng yaxshi o‘yin ko‘rsatishi uchun qo‘llab-quvvatlaymiz.
Bu holat jamoaga faqat qo‘shimcha kuch bo‘lib xizmat qiladi. Barcha turnirlardagi so‘nggi to‘qqizta uchrashuvda oltita g‘alabaga erishdik. Jamoa natijalarga erishish uchun bor kuchini sarflaydi, shuningdek, do‘stlik va jasoratning munosib namunasini namoyish etadi. Bizning ruhimiz kuchli va mustahkam bo‘lib qoladi", - deyiladi "Everton" saytida.
