"Эвертон" директори Кевин Телвелл молиявий фэйр-плей қоидаларини бузгани учун Премьер-лиганинг клубдан 10 очко олиб ташлаш қарорига изоҳ берди.
Ушбу жазодан сўнг "Эвертон" 4 очко билан турнир жадвалининг сўнгги поғонасидан жой олди.
"Биз бу санкциялардан кейин янада бирлашганмиз. Биз бор эътиборимизни жиддий ишга қаратганмиз ва жамоани майдонда энг яхши ўйин кўрсатиши учун қўллаб-қувватлаймиз.
Бу ҳолат жамоага фақат қўшимча куч бўлиб хизмат қилади. Барча турнирлардаги сўнгги тўққизта учрашувда олтита ғалабага эришдик. Жамоа натижаларга эришиш учун бор кучини сарфлайди, шунингдек, дўстлик ва жасоратнинг муносиб намунасини намойиш этади. Бизнинг руҳимиз кучли ва мустаҳкам бўлиб қолади", - дейилади "Эвертон" сайтида.
