"Barselona" sport direktori Deku zamonaviy futboldagi haddan tashqari ko‘p o‘yinlar jadvalidan norozi.

Portugaliyalik sobiq yarim himoyachining so‘zlariga ko‘ra, bugungi kun futbolchilari dam olishga ulgurmaydi.

“FIFA Jahon chempionati va klublar o‘rtasidagi jahon chempionati uchun yangi formatni joriy qilmoqda – ikkala turnirda ham ko‘proq o‘yinlar bo‘ladi. Yevropa chempionati 14 iyulda yakunlanadi, La Liga esa taxminan 6 avgustda boshlanadi. Futbolchilar qachon dam olishlari kerak? ", - deya Dekuning so‘zlaridan iqtibos keltiradi Barca Universal.

25 noyabr kuni “Barselona” safarda “Rayo Valyekano”ga qarshi bahs olib boradi, uch kundan keyin esa Chempionlar ligasi doirasida o‘z maydonida “Portu”ni qabul qiladi.