"Барселона" спорт директори Деку замонавий футболдаги ҳаддан ташқари кўп ўйинлар жадвалидан норози.
Португалиялик собиқ ярим ҳимоячининг сўзларига кўра, бугунги кун футболчилари дам олишга улгурмайди.
“ФИФА Жаҳон чемпионати ва клублар ўртасидаги жаҳон чемпионати учун янги форматни жорий қилмоқда – иккала турнирда ҳам кўпроқ ўйинлар бўлади. Европа чемпионати 14 июлда якунланади, Ла Лига эса тахминан 6 августда бошланади. Футболчилар қачон дам олишлари керак? ", - дея Декунинг сўзларидан иқтибос келтиради Barca Universal.
25 ноябрь куни “Барселона” сафарда “Райо Вальекано”га қарши баҳс олиб боради, уч кундан кейин эса Чемпионлар лигаси доирасида ўз майдонида “Порту”ни қабул қилади.
