«Barselona»ning sobiq himoyachisi Karles Puyol «Barselona»ning hozirgi holati haqida o‘z fikrlari bilan o‘rtoqlashdi.
«Muvaffaqiyatsizliklar sportning bir qismidir. Ba’zida ishlar yaxshiroq, ba’zan esa yomonroq bo‘lishi mumkin.
Keling, xalqaro tanaffusdan keyin hammasi qanday kechishini ko‘ramiz. Men Xavi jamoasiga ishonaman, bu mavsumda hammasi uchun kurashishda davom etamiz.
O‘ylaymanki, klub ham murabbiyga ishonadi, shubhalanishga asos yo‘q. Deku va Laporta loyihaga ishonishadi va Xavini uning asosiy figurasi deb bilishadi», - deya Puyolning so‘zlarini keltiradi Mundo Deportivo.
