Shveysariyaning Nyon shahrida Yevro—2024 saralash bahslariga qur’a tashlash marosimi bo‘lib o‘tdi.

Qur’aga ko‘ra, Finlyandiya Uelsga qarshi o‘ynaydi. Qozog‘istona esa Gresiyaga qarshi maydonga tushadi.

Juftliklar quyidagicha ko‘rinish olgan:

"A" yo‘li
Polsha — Estoniya
Uels — Finlyandiya

Ikkinchi juftlik g‘olibi hal qiluvchi o‘yinni o‘z maydonida o‘tkazadi.

"B" yo‘li
Isroil — Islandiya
Bosniya va Gersogovina — Ukraina

Ikkinchi juftlik g‘olibi hal qiluvchi o‘yinni o‘z maydonida o‘tkazadi.

"C" yo‘li
Gruziya — Lyuksemburg
Gresiya — Qozog‘iston

Birinchi juftlik g‘olibi hal qiluvchi o‘yinni o‘z maydonida o‘tkazadi.

21 mart kuni 6 ta yarim final bahslari o‘tkaziladi. 26 mart sanasida 3 ta final bo‘lib o‘tadi. Finallardagi uchta g‘olib esa Yevro—2024 ishtirokchisiga aylanadi.

Eslatib o‘tamiz, musobaqada 24 ta terma jamoa ishtirok etadi. Ularning 21 tasi allaqachon aniq bo‘lgan: Germaniya, Turkiya, Angliya, Daniya, Serbiya, Xorvatiya, Fransiya, Shotlandiya, Vengriya, Ruminiya, Chexiya, Belgiya, Ispaniya, Slovakiya, Shveysariya, Sloveniya, Portugaliya, Avstriya, Albaniya, Niderlandiya, Italiya.