Rossiyaning «Rubin» klubi himoyachisi Rustam Ashurmatov SSKA hujumchisi Abbosbek Fayzullayev haqida o‘z fikrini bildirib o‘tdi.

«Fayzullayev SSKAda shunday tarzda o‘ynab ketishini kutganmidim? Yo‘q, u darhol asosiy tarkibda o‘ynab ketadi, deb o‘ylamagandim. Albatta, meni uni yaxshi bilardim, u juda iqtidorli o‘yinchi. Ammo uning keskin starti men uchun kutilmagan voqea bo‘ldi. Hattoki O‘zbekistonda ham uning tezda bu darajaga chiqib olganidan hamma xayratda.

RPLning boshqa klublari ham o‘zbekistonlik o‘yinchilarni diqqat bilan kuzatishadimi? Eldor Shomurodov "Rostov"da o‘z mahoratini namoyish etganidan keyin Rossiyaning barcha klublari skautlari anchadan beri futbolchilarimizni kuzatib boryapti. «Rubin» bir yil avval 19 yoshli Umarali Rahmonaliyev bilan shartnoma imzoladi. Ammo Abbosdan keyin Rossiyaning yana ko‘plab skautlari O‘zbekiston bo‘ylab futbolchilarni qidirishadi.

Abbos Yevropada o‘zini ko‘rsata oladimi? Ha, bunga shubha qilmayman, ammo u Yevropaga yo‘l olishi uchun biroz erta. Rossiyada kamida bir yil o‘ynashi kerak. Hozirda eng muhimi — shoshilmaslik. Hammasini yig‘ishtirib Yevropaga ketsa, unga qiyin bo‘ladi. Hali o‘sishi kerak bo‘lgan jihatlari bor. Keyin esa Abbos Yevropada yaxshi faoliyatni yo‘lga qo‘ya oladi.

U Rossiyada ko‘p qolib ketmasa kerak. U Yevropada o‘ynashni istaydi. U endi 20 yoshga to‘lgan. Ammo u Rossiyada o‘z darajasini yaxshi saviyaga ko‘tarishi mumkin», – dedi Ashurmatov.