Россиянинг «Рубин» клуби ҳимоячиси Рустам Ашурматов ЦСКА ҳужумчиси Аббосбек Файзуллаев ҳақида ўз фикрини билдириб ўтди.

«Файзуллаев ЦСКАда шундай тарзда ўйнаб кетишини кутганмидим? Йўқ, у дарҳол асосий таркибда ўйнаб кетади, деб ўйламагандим. Албатта, мени уни яхши билардим, у жуда иқтидорли ўйинчи. Аммо унинг кескин старти мен учун кутилмаган воқеа бўлди. Ҳаттоки Ўзбекистонда ҳам унинг тезда бу даражага чиқиб олганидан ҳамма хайратда.

РПЛнинг бошқа клублари ҳам ўзбекистонлик ўйинчиларни диққат билан кузатишадими? Элдор Шомуродов "Ростов"да ўз маҳоратини намойиш этганидан кейин Россиянинг барча клублари скаутлари анчадан бери футболчиларимизни кузатиб боряпти. «Рубин» бир йил аввал 19 ёшли Умарали Раҳмоналиев билан шартнома имзолади. Аммо Аббосдан кейин Россиянинг яна кўплаб скаутлари Ўзбекистон бўйлаб футболчиларни қидиришади.

Аббос Европада ўзини кўрсата оладими? Ҳа, бунга шубҳа қилмайман, аммо у Европага йўл олиши учун бироз эрта. Россияда камида бир йил ўйнаши керак. Ҳозирда энг муҳими — шошилмаслик. Ҳаммасини йиғиштириб Европага кетса, унга қийин бўлади. Ҳали ўсиши керак бўлган жиҳатлари бор. Кейин эса Аббос Европада яхши фаолиятни йўлга қўя олади.

У Россияда кўп қолиб кетмаса керак. У Европада ўйнашни истайди. У энди 20 ёшга тўлган. Аммо у Россияда ўз даражасини яхши савияга кўтариши мумкин», – деди Ашурматов.