«Liverpul» hujumchisi Muhammad Saloh Saudiya Arabistonida faoliyatini yakunlashi mumkin.

Asharq Al-Awsat xabariga ko‘ra, 31 yoshli futbolchi Saudiya Arabistonining «Al-Ittihod» klubiga o‘tishga rozi bo‘lgan, biroq «Liverpul» xo‘jayini, jamoa bosh direktori va murabbiyi Yurgen Kloppning umumiy qaroriga ko‘ra Saloh qolgan.

Manbaga ko‘ra, «Al-Ittihod» Salohning transferi uchun 230 million yevro ajratishga tayyor edi, biroq bu mablag‘ ham «Liverpul»ni ishontira olmadi.

Saloh mersisaydliklar safida 2017 yilning yozidan beri o‘ynab kelmoqda. Joriy mavsumda futbolchi barcha turnirlarda 17 ta uchrashuvda maydonga tushib, 12 ta gol urdi va 4 ta golli uzatmani amalga oshirdi.