«Ливерпуль» ҳужумчиси Муҳаммад Салоҳ Саудия Арабистонида фаолиятини якунлаши мумкин.

Asharq Al-Awsat хабарига кўра, 31 ёшли футболчи Саудия Арабистонининг «Ал-Иттиҳод» клубига ўтишга рози бўлган, бироқ «Ливерпуль» хўжайини, жамоа бош директори ва мураббийи Юрген Клоппнинг умумий қарорига кўра Салоҳ қолган.

Манбага кўра, «Ал-Иттиҳод» Салоҳнинг трансфери учун 230 миллион евро ажратишга тайёр эди, бироқ бу маблағ ҳам «Ливерпул»ни ишонтира олмади.

Салоҳ мерсисайдликлар сафида 2017 йилнинг ёзидан бери ўйнаб келмоқда. Жорий мавсумда футболчи барча турнирларда 17 та учрашувда майдонга тушиб, 12 та гол урди ва 4 та голли узатмани амалга оширди.