«Shtutgart» hujumchisi Seru Girassi yana bir yuqori maqomga ega klubning manfaatlari doirasiga tushib qoldi.

Gvineyalik futbolchi joriy mavsumda Bundesligada 9 ta o‘yinda 15 ta gol urdi. Bunday ko‘rsatkich forvardning yaqin orada kuchli klubga ketishi haqidagi ko‘plab mish-mishlarga sabab bo‘lgan.

Hozirda, jurnalist Ekrem Ko‘nurning so‘zlariga ko‘ra, Ispaniyada ham to‘purarga talab katta - Girassiga da’vogarlar qatoriga «Atletiko Madrid» ham qo‘shildi.

Eslatib o‘tamiz, qishda 27 yoshli futbolchini 17,5 million yevroga sotib olish mumkin - bu uning «Shtutgart» bilan shartnomasidagi tovon puli.