Karlo Anchelotti "Real" futbolchilari orasida jarohatlar ko‘pligi haqida gapirdi.

"Bu jarohatlar bizga biroz ta’sir qildi, ammo bu jamoa yaxshi tuzilgan. Biz Militao, Kurtua, Vinisius va Bellingemsiz ham raqobatbardosh edik. Biz o‘zimizga mutlaqo ishonamiz. Buni biz qanchalik yaxshi ekanligimizni va bu jamoaning boshqa o‘yinchilari qanchalik yaxshi ekanini ko‘rsatish imkoniyati sifatida qaraymiz.

Bu taqvim qolmasligi kerak. Bizda bu muammo bor va u yomonlashadi, bizni ko‘plab o‘yinlar bilan jahon chempionati, ko‘plab o‘yinlar bilan Chempionlar ligasi kutmoqda. Yagona yechim - o‘yinlar sonini kamaytirish. Lekin men hech qachon futbolchilar uyushmasining biror narsa deganini eshitmaganman.

Agar o‘yinlar soni kamaytirilsa, yaxshi bo‘lardi. Bu jarohatlar sonini kamaytiradi va shiddatni oshiradi. Shu tanaffusda terma jamoalarning 8:0, 14:0 hisobida yakunlangan o‘yinlarini ko‘rdim. Bu mantiqiymi, bilmayman.

Bizda juda ko‘p resurslar bor. Bellingem markaziy maydonda o‘ynay oladi. Braim yaxshi o‘ynadi. Vinisius bir oy maydonga tushmadi, ammo baribir yaxshi natijalarga erishdik. Bellingem o‘ynamadi, lekin biz “Valensiya”ga qarshi o‘yinda beshta gol urdik.

Federiko Valverde yarim himoyachi sifatida o‘ynay oladi. Kroos ham shunday. Markazda Kroos - Valverde, Kroos - Sebalyos, Kroos - Modrich kombinasiyasi bo‘lishi mumkin. Bizda variantlar ko‘p", - dedi “Real” bosh murabbiyi.