«Barselona» Ispaniya chempionatining 14-turi doirasida «Rayo Valyekano»ni mehmonda mag‘lub eta olmadi. Uchrashuv 1:1 hisobida durang bilan yakunlandi.
Aytish joizki, mezbonlar 39-daqiqadan hisobda oldinga chiqib olishdi, «ko‘k-anorranglilar» esa ikkinchi bo‘lim oxirida hisobni tenglashtirishga muvaffaq bo‘lishdi.
Xavi uchun «Rayo Valyekano» bilan bu uchrashuv «Barselona» bosh murabbiyi sifatidagi to‘rtinchisi bo‘ldi.
Aytish mumkinki, madridliklar Kataloniya klubi uchun eng noqulay raqiblardan biri hisoblanadi. Xavi qo‘l ostidagi to‘rtta o‘yinda «Barselona» hech qachon «Rayo Valekano»ni mag‘lub eta olmadi, ikki marta durang o‘ynadi va ikkita mag‘lubiyat alamini totib ko‘rdi.
