«Барселона» Испания чемпионатининг 14-тури доирасида «Райо Вальекано»ни меҳмонда мағлуб эта олмади. Учрашув 1:1 ҳисобида дуранг билан якунланди.
Айтиш жоизки, мезбонлар 39-дақиқадан ҳисобда олдинга чиқиб олишди, «кўк-анорранглилар» эса иккинчи бўлим охирида ҳисобни тенглаштиришга муваффақ бўлишди.
Хави учун «Райо Вальекано» билан бу учрашув «Барселона» бош мураббийи сифатидаги тўртинчиси бўлди.
Айтиш мумкинки, мадридликлар Каталония клуби учун энг ноқулай рақиблардан бири ҳисобланади. Хави қўл остидаги тўртта ўйинда «Барселона» ҳеч қачон «Райо Валекано»ни мағлуб эта олмади, икки марта дуранг ўйнади ва иккита мағлубият аламини тотиб кўрди.
