Angliya chempionatining 13-turi doirasida «Chelsi» safarda «Nyukasl» klubi mehmoni bo‘lib, firik hisobda imkoniyatni boy berdi.

Bahsning 13-daqiqasida mezbonlar forvardi Aleksander Isak hisobni ochgan bo‘lsa, oradan 10 daqiqa o‘tib Rahim Sterling muvozanatni tikladi.

Ammo bahsning 60 va 61-daqiqalari "qarg‘alar" uchun omadli keldi. Jamol Lassels va Joelinton hisobdagi farqni ikkitaga oshirib qo‘yishdi.

73-daqiqada esa londonliklar sardori Ris Jeyms ikkinchi sariq kartochkani olib maydonni tark etdi. Oradan 10 daqiqa o‘tib Entoni Gordon hisobni yirik ko‘rinishga keltirdi.

«Nyukasl» ushbu g‘alaba tufayli o‘z ochkolarini 23 taga yetkazib oldi va 6-o‘rinni egallab turibdi. "Chelsi" esa 16 ochko bilan 10-pog‘onani band etib turibdi.

APL, 13-tur
Nyukasl – Chelsi 4:1 (1:1, 3:0)
Gollar: 1:0 – 13 Isak, 1:1 – 23 Sterling, 2:1 – 60 Lassels, 3:1 – 61 Joelinton, 4:1 – 83 Gordon.
Nyukasl – Poup, Trippyer, Sher, Lassels (Dammett, 86), Livramento, Bruno Gimaraes, Mayli (Diallo, 90), Almiron (Merfi, 87), Joelinton, Gordon (Ndivani, 90), Isak (Ritchi, 81).
Chelsi – Sanches, Jeyms, Tiago Silva, Badyashil, Kukurelya, Gallaxer (Mudrik, 69), Fernandes, Palmer (Koluill, 75), Ugochukvu (Kaysedo, 69), Sterling (Madueke, 87), Jekson (Broya, 69).
Ogohlantirishlar: Trippyer (22), Ugochukvu (41), Joelinton (45), Lassels (46), Jeyms (55), Sterling (59), Kukurelya (77), Koluill (81), Ritchi (90).
Chetlatish: Jeyms (73).