Xavi «Barselona»ning «Rayo Valyekano»ga qarshi o‘yinidagi hakamlikdan norozi bo‘ldi.
«Men faqat laynsmen bilan gaplashdim. U [Oskar Valentin] epizodga ta’sir qilgan deb o‘ylaganini aytdi. Ammo yakunda gol hisoblandi. Ta’sir sezilarli bo‘lganiga ishonamiz. Qiyin epizodlar bizning foydamizga talqin qilinmaydi.
Rafinyaga qo‘pollik qilingani uchun ham penalti belgilanishi kerak edi. Menga u yerda qonunbuzarlik borligini aytishdi, lekin qaror yana bizning foydamizga chiqmadi. U yerda jazo aniq edi.
Lekin bu uzrli sabab emas. Birinchi bo‘limda yetarlicha yaxshi o‘ynamaganimiz uchun durang o‘ynadik. Biz ikkinchi bo‘limda qilgan ishimizga e’tibor qaratishimiz va o‘zimizni tanqid qilishimiz kerak.
Bizga qaratilgan tanqidni tushunaman, lekin biz vaziyatni o‘zgartirishga qodirmiz. Vaqtimiz bor», - dedi «Barselona» bosh murabbiyi.
