Хави «Барселона»нинг «Райо Вальекано»га қарши ўйинидаги ҳакамликдан норози бўлди.

«Мен фақат лайнсмен билан гаплашдим. У [Оскар Валентин] эпизодга таъсир қилган деб ўйлаганини айтди. Аммо якунда гол ҳисобланди. Таъсир сезиларли бўлганига ишонамиз. Қийин эпизодлар бизнинг фойдамизга талқин қилинмайди.

Рафиньяга қўполлик қилингани учун ҳам пенальти белгиланиши керак эди. Менга у ерда қонунбузарлик борлигини айтишди, лекин қарор яна бизнинг фойдамизга чиқмади. У ерда жазо аниқ эди.

Лекин бу узрли сабаб эмас. Биринчи бўлимда етарлича яхши ўйнамаганимиз учун дуранг ўйнадик. Биз иккинчи бўлимда қилган ишимизга эътибор қаратишимиз ва ўзимизни танқид қилишимиз керак.

Бизга қаратилган танқидни тушунаман, лекин биз вазиятни ўзгартиришга қодирмиз. Вақтимиз бор», - деди «Барселона» бош мураббийи.