"Chelsi" sardori Ris Jeyms APL 13-turi doirasidagi "Nyukasl"ga qarshi o‘yindagi yirik mag‘lubiyatdan so‘ng uzr so‘radi.

"Bugungi qizil kartochka va ikkita ahmoqona xato uchun to‘liq javobgarlikni o‘z zimmamga olaman. Bu men o‘rganishim kerak bo‘lgan yana bir saboq. Muxlislar va jamoadoshlarimdan uzr so‘rayman”, — deb yozgan Jeyms.

Futbolchi, shuningdek, "Chelsi"ning o‘sha oqshomdagi o‘yini klub standartlariga javob bermaganini ta’kidladi.

"Chelsi" Premyer-ligadagi navbatdagi o‘yinini 3 dekabr kuni o‘z maydonida "Brayton"ga qarshi o‘tkazadi.