«PSJ» hujumchisi Usmon Dembele Yevropa Chempionlar Ligasi guruh bosqichining 5-turi doirasida seshanba kuni Parijda bo‘lib o‘tadigan «Nyukasl»ga qarshi o‘yin haqida fikr bildirdi.
Eslatib o‘tamiz, birinchi davrada «Nyukasl» «PSJ»ni 4:1 hisobida mag‘lub etgandi.
«Bu juda muhim o‘yin bo‘ladi, biz hozir uni ko‘p o‘ylayapmiz. Ayniqsa, muxlislarimiz oldida g‘alaba qozonishni istaymiz.
Biz uch ochkoni qo‘lga kiritish va o‘z fikrimizni Dortmundning «Borussiya»siga qarshi keyingi o‘yinga qaratish uchun hamma narsani qilamiz.
Guruhimizda birinchi o‘rinni egallashni istaymiz», - deya Dembeledan iqtibos keltiradi Telefoot
