15 yoshli Franchesko Kamardaga Yevropaning bir qator top klublari qiziqish bildirmoqda.

Insayder Nikolo Skiraning so‘zlariga ko‘ra, A Seriyaning eng yosh debyutantiga “Manchester Siti”, “Nyukasl”, “Arsenal” va Dortmundning “Borussiya” klublari qiziqish bildirishgan.

Biroq, Kamardaning o‘zi Milanda qolib, klub bilan ilk professional shartnomasini imzolash niyatida.

15 yoshu 260 kunlik yoshida Kamarda A Seriya tarixidagi eng yosh debyut qilgan futbolchiga aylandi. Milanliklar tarbiyalanuvchisi “Fiorentina” (1:0) bilan uchrashuvning 83-daqiqasida zaxiradan maydonga tushdi.