«Barselona» bosh murabbiyi Xavi Ernandes yana bir bor hakamlarni tanqid qildi.
Eslatib o‘tamiz, Ispaniya chempionatining navbatdagi turida kataloniyaliklar ustozi raqib darvozasiga ikkita penalti belgilanmaganidan norozi bo‘lgandi.
«Bizning hakamlar borasida omadimiz yo‘q, lekin bu bahona bo‘lishini xohlamayman. Biz yaxshiroq o‘ynashimiz kerak, ammo hakamlar o‘zlarining ba’zi qarorlari bilan bizni qiynab qo‘yishdi. Shu sababli aytishim mumkinki, ular bilan omadimiz kelmaydi», - dedi Xavi Chempionlar ligasi guruh bosqichida «Portu»ga qarshi o‘yin oldidan o‘tkazilgan matbuot anjumanida.
