«Барселона» бош мураббийи Хави Эрнандес яна бир бор ҳакамларни танқид қилди.
Эслатиб ўтамиз, Испания чемпионатининг навбатдаги турида каталонияликлар устози рақиб дарвозасига иккита пенальти белгиланмаганидан норози бўлганди.
«Бизнинг ҳакамлар борасида омадимиз йўқ, лекин бу баҳона бўлишини хоҳламайман. Биз яхшироқ ўйнашимиз керак, аммо ҳакамлар ўзларининг баъзи қарорлари билан бизни қийнаб қўйишди. Шу сабабли айтишим мумкинки, улар билан омадимиз келмайди», - деди Хави Чемпионлар лигаси гуруҳ босқичида «Порту»га қарши ўйин олдидан ўтказилган матбуот анжуманида.