Kataloniyaning "Barselona" klubi o‘z yarim himoyachisi Frenki de Yong bilan shartnomani uzaytirmoqchi. Sport nashri xabariga ko‘ra, niderlandiyalik futbolchi bilan shartnomani uzaytirish rahbariyatning yaqin kelajakdagi mutlaq ustuvor vazifasidir.
Manbaning ta’kidlashicha, de Yong bilan yangi shartnoma "Barselona" rahbariyati uchun katta muammo bo‘lib turibdi, chunki futbolchi hali 2022 yilning yozida ro‘y bergan voqeani unutmagan. Eslatib o‘tamiz, o‘shanda "ko‘k-anorranglilar" Frenkini sotish va "Manchester Siti"dan Bernardu Silva transferini moliyalashtirish uchun bor kuchlari bilan harakat qilishgan.
De Yongning "Barselona" bilan amaldagi shartnomasi 2026 yilning yozida tugaydi, ammo rahbariyat tezda yangi shartnoma tuzmoqchi.
