«Milan» rahbariyati tez orada bosh murabbiy Stefano Pioli bilan uchrashib, klubdagi vaziyatni muhokama qiladi.
Jurnalist Nikolo Skira bergan ma’lumotlarga ko‘ra, rahbariyat jamoaning so‘nggi natijalaridan norozi, ammo murabbiyni ishdan bo‘shatish rejasi yo‘q.
Eslatib o‘tamiz, kecha «Milan» Chempionlar ligasi guruh bosqichining 5-turida o‘z uyida Dortmundning «Borussiya»siga mag‘lub bo‘ldi.
Endi keyingi bosqichga chiqish uchun «rossonerilar» so‘nggi turda «Nyukasl»ni mag‘lub etishi va «Borussiya»ning «PSJ» ustidan g‘alaba qozonishiga umid qilishi kerak.
