Rossiya kubogining chorak final bosqichidan o‘rin olgan «Rostov» va SSKA jamoalari o‘rtasidagi dastlabki o‘yin bo‘lib o‘tdi.

Bahsning 8-daqiqasida armiyachilar himoyachisi Kirill Nababkin to‘pni o‘z darvozasiga kiritib qo‘ydi. SSKA birinchi bo‘limning o‘zida hisobni tenglashtirishga muvaffaq bo‘ldi. Abbos Fayzullayev jarimada yetkazib bergan to‘pni Anton Zabolotniy bosh bilan raqib darvozasiga joylab qo‘ydi.

Uchrashuvning 77-daqiqasida moskvaliklar himoyachisi Moyzes Barboza maydondan chetlatildi. «Rostov» Nikolay Komlichenko raqibini aldab o‘tayotganida braziliyalik himoyachi to‘pni qo‘l bilan to‘xtatib qoldi. Oradan bir daqiqa o‘tib esa Fayzullayev zaxiraga olindi.

O‘yinda hisob boshqa o‘zgarmadi. Javob o‘yini 2024 yilning 12 mart kuni Moskvada bo‘lib o‘tadi.

Rossiya kubogi, chorak final, dastlabki o‘yin
Rostov – SSKA 1:1 (1:1, 0:0)
Gollar: 1:0 – 8, avtogol Nababkin, 1:1 – 32 Zabolotniy.
Rostov – Medvedev, Langovich (Vaxaniya, 46), Terentyev, Proxin (Golenkov, 83), Kirsh, Ignatov, Akbashev (Glebov, 66), Shetinin, Tugarev, Moxebi (Komarov, 66), Komlichenko.
SSKA – Torop, Xelven, Nababkin, Moyzes, Villian Rosha (Chalov, 46), Gayich, Zdyelar, Oblyakov, Fayzullayev (Lukin, 78), Davila (Agapov, 46), Zabolotniy.
Ogohlantirishlar: Proxin (14), Davila (27).
Chetlatish: Moyzes (77).