Россия кубогининг чорак финал босқичидан ўрин олган «Ростов» ва ЦСКА жамоалари ўртасидаги дастлабки ўйин бўлиб ўтди.

Баҳснинг 8-дақиқасида армиячилар ҳимоячиси Кирилл Набабкин тўпни ўз дарвозасига киритиб қўйди. ЦСКА биринчи бўлимнинг ўзида ҳисобни тенглаштиришга муваффақ бўлди. Аббос Файзуллаев жаримада етказиб берган тўпни Антон Заболотний бош билан рақиб дарвозасига жойлаб қўйди.

Учрашувнинг 77-дақиқасида москваликлар ҳимоячиси Мойзес Барбоза майдондан четлатилди. «Ростов» Николай Комличенко рақибини алдаб ўтаётганида бразилиялик ҳимоячи тўпни қўл билан тўхтатиб қолди. Орадан бир дақиқа ўтиб эса Файзуллаев захирага олинди.

Ўйинда ҳисоб бошқа ўзгармади. Жавоб ўйини 2024 йилнинг 12 март куни Москвада бўлиб ўтади.

Россия кубоги, чорак финал, дастлабки ўйин
Ростов – ЦСКА 1:1 (1:1, 0:0)
Голлар: 1:0 – 8, автогол Набабкин, 1:1 – 32 Заболотний.
Ростов – Медведев, Лангович (Вахания, 46), Терентьев, Прохин (Голенков, 83), Кирш, Игнатов, Акбашев (Глебов, 66), Щетинин, Тугарев, Мохеби (Комаров, 66), Комличенко.
ЦСКА – Тороп, Хелвен, Набабкин, Мойзес, Виллиан Роша (Чалов, 46), Гайич, Здьелар, Обляков, Файзуллаев (Лукин, 78), Давила (Агапов, 46), Заболотний.
Огоҳлантиришлар: Прохин (14), Давила (27).
Четлатиш: Мойзес (77).