«Rostov» - SSKA uchrashuvining eng yaxshi futbolchisi Abbosbek Fayzullayev «Match Premyer» kanalida o‘yin haqidagi o‘z taassurotlari bilan o‘rtoqlashdi.

«Biz standartlar ustida ishlayapmiz, bugun bu ish berdi, gol urdik, xursandmiz. 

Biz qandaydir tarzda darhol o‘yinga kirishib keta olmadik, lekin keyin asta-sekin bahs tizginini qo‘lga olib, kerakli paslarni berishni boshladik. Bunga erishdik.

Ikkinchi bo‘lim boshida ikkala jamoa ham faol edi, qizil kartochkadan keyin ozchilikda qolib ketganimiz o‘yinga ta’sir qildi.

G‘alaba qozonishni xohlagandik, har bir o‘yinda g‘alaba qozonishni istaymiz, lekin bugun kam bo‘lib qolganimiz tufayli bu durangdan ikkala jamoa ham xursand bo‘lsa kerak», – dedi Fayzullayev.