«Manchester Yunayted» bosh murabbiyi Erik ten Xag Chempionlar ligasi guruh bosqichi 5-turida «Galatasaroy»ga qarshi o‘yindan so‘ng (3:3) tanqidga uchragan futbolchilarini himoya qildi.
Eslatib o‘tamiz, pley-off bosqichiga chiqish uchun «mankunianliklar» endi so‘nggi turda «Bavariya»ni mag‘lub etishlari va «Kopengagen» – «Galatasaroy» uchrashuvida durangga umid qilishlari kerak.
«Hali ham bizda yaxshi jamoa bor deb o‘ylayman. Hozirgi tarkibdagi futbolchilar «Manchester Yunayted»da o‘ynashga loyiq, chunki ular ajoyib futbolchilar. Bu butun jamoaga tegishli», - dedi Ten Xag o‘yindan keyingi matbuot anjumanida.
