«Манчестер Юнайтед» бош мураббийи Эрик тен Хаг Чемпионлар лигаси гуруҳ босқичи 5-турида «Галатасарой»га қарши ўйиндан сўнг (3:3) танқидга учраган футболчиларини ҳимоя қилди.
Эслатиб ўтамиз, плей-офф босқичига чиқиш учун «манкунианликлар» энди сўнгги турда «Бавария»ни мағлуб этишлари ва «Копенгаген» – «Галатасарой» учрашувида дурангга умид қилишлари керак.
«Ҳали ҳам бизда яхши жамоа бор деб ўйлайман. Ҳозирги таркибдаги футболчилар «Манчестер Юнайтед»да ўйнашга лойиқ, чунки улар ажойиб футболчилар. Бу бутун жамоага тегишли», - деди Тен Хаг ўйиндан кейинги матбуот анжуманида.
