Angliya Premyer-ligasi va "Manchester Siti" klubi liganing moliyaviy qoidalarini buzganligi haqidagi 115 ta ayblovni mustaqil komissiyaga topshirish sanasini kelishib oldi, deb xabar bermoqda Daily Mail nashri.
Manbada aniq sana ko‘rsatilmagan, biroq jarayon 2024 yilning kuzi oxirida boshlanadi. Hozirda ish guvohlardan ko‘rsatmalar olish bosqichida, bu taxminan 2024 yilning bahorigacha davom etadi. Agar sud rejalashtirilganidek boshlansa, hukm 2025 yilning yozida chiqariladi.
"Manchester Siti" 2009/10-yilgacha bo‘lgan 14 mavsum davomida liganing 115 moliyaviy qoidalarini buzganlikda ayblanmoqda. Ayblovlar orasida moliyaviy hisobotlarga oid da’volar va 2018 yilda boshlangan Premyer-liga tergovi bilan hamkorlikning yo‘qligi kiradi. “Shaharliklar” har qanday qonunbuzarlikni rad etdi.
Avvalroq Premyer-liga "Everton" moliyaviy feyr-pleyni buzgan deb qaror qildi va klubdan 10 ochko olib tashladi.