Madridning "Real" klubi bosh murabbiyi Karlo Anchelotti kelajagi haqidagi savollarga javob berishdan bosh tortdi.
"Siz boshqa narsani so‘rashingiz mumkin" - dedi Anchelotti.
64 yoshli mutaxassisning "Real" bilan amaldagi shartnomasi 2024 yilning yoziga qadar mo‘ljallangan. Braziliya futbol federasiyasi Anchelotti o‘z jamoasini boshqarishi uchun qonuniy kafolatlarga ega ekanligi haqida ma’lumot bor edi.
"Real Madrid" La Ligada peshqadamlik qilmoqda. Keyingi o‘yin 2 dekabr kuni o‘z maydonida "Granada"ga qarshi o‘tkaziladi.
