“Bayer” g‘alabali seriyasini 14 ta o‘yinga yetkazdi.

Xabi Alonso shogirdlari Yevropa ligasida "Xeken"ni mehmonda mag‘lub etishdi – 2:0.

Ushbu turnirda leverkuzenliklar shu paytgacha guruh bosqichining barcha beshta turida g‘alaba qozonishgan. Ular 1994/95 yilgi mavsumda UYEFA kubogida o‘rnatilgan klub rekordini takrorlashga muvaffaq bo‘lishdi. "Bayer" hech qachon yevrokuboklarda ketma-ket beshta o‘yinda g‘alaba qozona olmagandi.

Umuman olganda, Germaniya jamoasi barcha turnirlarda ketma-ket 14 ta g‘alabaga erishdi. Bu mavsumda u faqat "Bavariya"ni mag‘lub eta olmadi (2:2), jami 18 uchrashuv uning g‘alabasi bilan yakunlangan.

Keyingi uchrashuvda “Bayer” 3 dekabr kuni Dortmundning “Borussiya”siga qarshi maydonga tushadi.